Неделя молитвы. День пятый. Богослужебный текст

См также:
О Неделе молитвы
Вы можете
Обсудить тему
нашем форуме

Вход — через одну из Ваших соцсетей

ПЯТЫЙ ДЕНЬ

Молитва о возвращении бывших заключённых в гражданское общество
Молебное пение на освобождение из заключения

Скачать:  Методические рекомендации по НЕДЕЛЕ МОЛИТВЫ: Пятый день – Публикация в файле .doc

Благословен Бог  наш…
Трисвятое по Отче наш…Господи, помилуй, 12р. Придите поклонимся…

Псалом 106.

Исповедайтеся Господеви, яко Благ, яко в век милость Его. Да рекут избавлении Господем, ихже избави из руки врага и от стран собра их, от восток и запад, и севера, и моря. Заблудиша в пустыни безводней, пути града обительнаго не обретоша. Алчуще и жаждуще, душа их в них исчезе. И воззваша ко Господу, внегда скорбети им, и от нужд их избави я, и настави я на путь прав, внити во град обительный. Да исповедятся Господеви милости Его, и чудеса Его сыновом человеческим, яко насытил есть душу тщу и душу алчущу исполни благ. Седящыя во тьме и сени смертней, окованныя нищетою и железом, яко преогорчиша словеса Божия и совет Вышняго раздражиша. И смирися в трудех сердце их, и изнемогоша, и не бе помогаяй. И воззваша ко Господу, внегда скорбети им, и от нужд их спасе я, и изведе я из тьмы и сени смертныя, и узы их растерза. Да исповедятся Господеви милости Его, и чудеса Его сыновом человеческим, яко сокруши врата медная и вереи железныя сломи. Восприят я от пути беззакония их, беззаконий бо ради своих смиришася. Всякаго брашна возгнушася душа их, и приближишася до врат смертных. И воззваша ко Господу, внегда скорбети им, и от нужд их спасе я, посла слово Свое и исцели я, и избави я от растлений их. Да исповедятся Господеви милости Его, и чудеса Его сыновом человеческим, и да пожрут Ему жертву хвалы, и да возвестят дела Его в радости. Сходящии в море в кораблех, творящии делания в водах многих, тии видеша дела Господня и чудеса Его во глубине. Рече, и ста дух бурен, и вознесошася волны его, восходят до небес и низходят до бездн, душа их в злых таяше: смятошася, подвигошася, яко пияный, и вся мудрость их поглощена бысть. И воззваша ко Господу, внегда скорбети им, и от нужд их изведе я, и повеле бури, и ста в тишину, и умолкоша волны его. И возвеселишася, яко умолкоша, и настави я в пристанище хотения своего. Да исповедятся Господеви милости Его, и чудеса Его сыновом человеческим: да вознесут Его в церкви людстей и на седалищи старец восхвалят Его. Положил есть реки в пустыню, и исходища водная в жажду, землю плодоносную в сланость, от злобы живущих на ней. Положил есть пустыню во езера водная и землю безводную во исходища водная. И насели тамо алчущыя, и составиша грады обительны, и насеяша села, и насадиша винограды, и сотвориша плод житен. И благослови я, и умножишася зело, и скоты их не умали. И умилишася, и озлобишася от скорби зол и болезни. Излияся уничижение на князи их, и облазни я по непроходней, а не по пути. И поможе убогу от нищеты и положи яко овцы отечествия. Узрят правии и возвеселятся, и всякое беззаконие заградит уста своя. Кто премудр и сохранит сия? И уразумеют милости Господни.

Слава и ныне; Аллилуия, аллилуия, алллилуия, слава Тебе Боже (трижды).

Мирная ектения:

О рабех Божиих ( имярек) во узах сущих и свобождения чающих и надежду на милость Божию и помощь свыше являемую возлагающих, о еже посетити их многими щедротами и заступлением своим, Господу помолимся.

О еже Божиим рабом сим  во всяком благочестии путь жития своего исправити, всякий труд честен ревностно и небоязненно подъяти, совершати и плоды трудов своих снести, Господу помолимся.

О еже обрести сим кров и узами родства ко благому образу мыслей  и советливому течению жития побудити сих, Господу помолимся.

О еже сохранити их от всякого сообщества грехом развращающего и послати им людей нравом благих и добрых намерений держащихся  и ополчением ангел своих от всякого зла оградити сих, Господу помолимся.

О еже дух праздности, пиянства, непотребства (азарта), нечистоты, скверноприбытчества и всякие иные греховные мерзости далече от сих отгнати, Господу помолимся.

О еже непоколебимых в вере и в посещении храма Божия и Святых Таинств общении души их во благочестии и достойном Богу служении соблюсти, Господу помолимся.

О  еже путем заповедей Божиих им во вся дни живота своего ходити и добрыми делы, словесы и молитвами  имя Господне прославляти, Господу помолимся.

О избавитися нам….

Тропарь, глас 2.

Путь , Истина и Жизнь сый еси, Христе Боже наш,/ сего ради от уз темничных к свободе призванных,/ спасительным Твоим страхом во всяком благочестии от всякого зла соблюди/ да путем заповедей Твоих жизнь свою устрояюще,/ купно с нами в мире сем  свидетельствуют неложно:// Познайте Истину и Истина свободит вы.

Слава: Кондак, глас 6.

Якоже рекл еси, Господи: всякий делающий грех раб есть греха;  сих к свободе призванных от всякого соблазна и искушения   огради всесильною Твоею помощию, да во всякой добродетели труды подъявши к пользе ближнего и своего житейского благополучия неленостны явятся  и небесных и земных благ восприятия сподобятся.

И ныне: Богородичен, глас 5.

Не остави сирых, посети немощных и от грехов страждущих, иже темницею и заключением пути покаяния и правды Божией обретших,  настави их всесильною Твоею помощию, Пресвятая Владычице, во еже от уз свобождения приявше, Церкви Святей и Отечеству нашему послужат усердно.

Прокимен. Глас 7-ый:

Изведи из темницы душу мою, исповедатися имени Твоему.

Стих: Воззвах  к Тебе Господи, рех: Ты еси упование мое, часть моя еси на земле живых.

Апостол к Ефесянам, зач. 229 (5, 8–21).

Бра́тие, я́ко ча́да све́та ходи́те, плод бо Духо́вный eсть во вся́кой благосты́ни и пра́вде и и́стине, искуша́юще, что eсть благоуго́дно Бо́гови. И не приoбща́йтеся к дело́м непло́дным тмы, па́че же и облича́йте. Быва́eмая бо о́тай от них, сра́мно eсть и глаго́лати. Вся же облича́eмая, от све́та явля́ются: все бо явля́емое свет eсть. Сего́ ра́ди глаго́лет: воста́ни, спяй, и воскресни́ от ме́ртвых, и освети́т тя Христо́с. Блюди́те у́бо, ка́ко опа́сно хо́дите, не я́коже нему́дри, но я́коже прему́дри, искупу́юще вре́мя, я́ко дни́е лука́ви суть. Сего́ ра́ди не быва́йте несмы́сленни, но разумева́юще, что eсть во́ля Бо́жия. И не упива́йтеся вино́м, в не́мже eсть блуд, но па́че исполня́йтеся Ду́хом, глаго́люще себе́ во псалме́х и пе́ниих, и пе́снех духо́вных, воспева́юще и пою́ще в сердца́х ва́ших Го́сподеви, благодаря́ще всегда́ о всех о и́мени Го́спода на́шего Иису́са Христа́ Бо́гу и Отцу́, повину́ющеся друг дру́гу в стра́се Бо́жии.

Евангелие от Луки: И прииде в Назарет, идеже бе воспитан. И вниде, по обычаю Своему, в день субботный в сонмище, и воста чести. И даша Ему книгу Исаии пророка: и разгнув книгу, обрете место, идеже бе написано: Дух Господень на Мне: Егоже ради помаза Мя благовестити нищым, посла Мя изцелити сокрушенныя сердцем, проповедати плененным отпущение и слепым прозрение, отпустити сокрушенныя во отраду, проповедати лето Господне приятно. И согнув книгу, отдав слузе, седе: и всем в сонмищи очи беху зряще Нань. И начат глаголати к ним, яко днесь сбыстся писание сие во ушию вашею. И вси свидетелствоваху Ему, и дивляхуся о словесех благодати, исходящих из уст Его. (Лк 4:16-22).

Сугубая ектения

Еще молимся о рабех Божиих ( имярек)  в заключении веру Христову обретших,   во еже непреткновенно  по свобождению в хранении добродетельного устроения жизни и неленностных трудех достойни пребудут; всякое же лукавство, плотоугодие,  сквернословие   и иные страсти безжалостно отметут. Рцем вси, Господи, услыши и помилуй.

Якоже рекл еси, Господи, не хорошо человеку бытии единому на земли, приведи,  да рабы Твои сия   к свобождению от уз темничных готовящиеся,  в устроении семейной жизни и родственного общения  Тобою наставлены будут; да не блудными делы  и пиянствы ко злу обратят дары благия в жизней сей Отцем щедрот  даруемые, молим Ти ся услыши и человеколюбно помилуй .

Не хотяй смерти грешника, посети многообразно рабов сих, иже покаяние во гресех своих в темничных узах с намерением добрым принесоша и ныне свобождение   чающих, да со всяким совестливым  смотрением Церкви Святей Твоей держатся и посещения святых храмов и освящения благодати ревнующе, общением Святых Таин взращенны  будут, плоды духовные сторицею принесут  Тебе, Господу и Владыке нашему, молим Ти ся услыши и помилуй.

Молитва

Господи Боже Вседержителю,  призвавый к себе всех утружденных  и обремененных грехми и беззакониями и иго благаго  послушания  Слову Твоему  и легкий ерем   крестоношения  христианского возложивый. Прими рабов Твоих сих, иже в во узах темничных веру в Тя, Бога живаго познаша и  надежду на Тя, яко Господа возложиша и любовь к Тебе яко ко  Спасителю  своему имети потщашеся.  Ныне же ко свободе от уз заключения уготовившиеся, отверзи ушеса сердец призвание Павла Апостола Твоего услышати:  стойте в свободе, юже даровал вам Христос и не подвергайтесь паки игу рабства  закона греховного.

На камени веры в Тя, Христа Бога нашего  храмину живота рабов Твоих сих утвердити,  во еже не буря соблазнов, суетных попечений и несмысленных пожеланий  возможет    поколебати  строение душ сих.   Да идеже житие свое по заключении препровождают к собранию церквному всею душею прилепятся и злаком Божественных Таин и участием в молитвах соборных взращение в любви Христовой  восприимут. Приумножи усердие их в земных трудех, да сия неленостно подъявше, ся (себя) и ближних своих препитают и во всяком добром намерении преспеяние улучат. Иже жен и детей до заключения своего  имеяши,  семиям своим совокупи,  мир, взаимное служение  и любовь тем даруя. Родителей  аще имут многих лет исполненных,  послужити сим и упокоити  старость их настави.  Юные к  научению  в земных и небесных мудростех  ревность ниспошли и всех  ко благому житию премудро направи, да в душах и телесех во вся дни живота своего  Тя прославляюще, получат часть спасаемых и прославят Господа и Владыку нашего, во Святей Троице славимого и поклоняемого Отца и Сына и Святага Духа во веки веков. Аминь.

Комментарии запрещены.