Неделя молитвы. День третий. Богослужебный текст

См также:
О Неделе молитвы
Вы можете
Обсудить тему
нашем форуме

Вход — через одну из Ваших соцсетей

ТРЕТИЙ ДЕНЬ

Молебное пение об умножении заботы о жертвах преступлений.
(Ихже службу творим  9/22 февраля в международный день поддержки жертв преступлений и на всяк день по всякой нужде потребной).

Скачать:  Методические рекомендации по НЕДЕЛЕ МОЛИТВЫ: Третий день – Публикация в файле .doc

Благословен Бог  наш…
Трисвятое по Отче наш…Господи, помилуй, 12р. Придите поклонимся…

Псалом 93.

Бог отмщений Господь, Бог отмщений не обинулся eсть. Вознесися, судяй земли, воздаждь воздаяние гордым. Доколе грешницы, Господи, доколе грешницы восхвалятся? Провещают и возглаголют неправду, возглаголют вси делающии беззаконие? Люди твоя, Господи, смириша, и достояние твое озлобиша; вдовицу и сира умориша, и пришелца убиша, и реша; не узрит Господь, ниже уразумеет Бог Иаковль. Разумейте же, безумнии в людех, и буии некогда, умудритеся; насаждей ухо, не слышит ли? или создавый oко, не сматряет ли? наказуяй языки, не обличит ли, учай человека разуму? Господь весть помышлeния человечeская, яко суть суeтна. Блажен человек, eгоже аще накажеши, Господи, и от закона твоего научиши eго; укротити eго от дний лютых, дондеже изрыется грешному яма. Яко не отринет Господь людей своих, и достояния своего не оставит; дондеже правда обратится на суд, и держащиися eя вси правии сердцем. Кто востанет ми на лукавнующыя? или кто спредстанет ми на делающыя беззаконие? Аще не Господь помогл бы ми, вмале вселилася бы во ад душа моя. Аще глаголах; подвижеся нога моя, милость твоя, Господи, помогаше ми; по множеству болезней моих в сердце моем, утешeния Твоя возвеселиша душу мою. Да не пребудет Тебе престол беззакония, созидаяй труд на повеление. Уловят на душу праведничу, и кровь неповинную осудят. И бысть мне Господь в прибежище, и Бог мой в помощь упования моего; и воздаст им Господь беззаконие их, и по лукавствию их погубит я Господь Бог.

Слава и ныне: Аллилуия (трижды).

Мирная ектения

О еже явити помощь и заступление рабом Божиим, страждущим и увеченным от преступной воли людей, зло деющих, и соделати их непоколебимых в вере и уповании на Господа, милость и спасение  Свое всем являющего (1 Тим.4,10), Господу помолимся.

О еже даровати им благодать всепрощения, во еже не предвосхищати праведныя суды Твоя, но и своя грехи зрети и покаяние о гресех своих неленостно (усердно) приносити, Господу помолимся.

О еже сохранити их от духа печали и уныния, от малодушия и отчаяния и просветити их благодатию  Своею, Господу помолимся.

О еже ниспослати им утешение от Духа Святаго ( Деян.9,31) и от Божественных словес и заповедей ( Пс.118; 24, 50, 76,92,143,174), даруемое во еже в терпении христианскую надежду всегда хранити ( Рим.15,4; 2Кор.1:3-7), Господу помолимся.

О еже во братолюбном общении, в единомыслии, в сострадании, сорадовании и в помощи от ближних  милость Божию обретати и сицевая  такожде ближним творити, Господу помолимся.

О еже посетити рабов своих в скорби и в печали пребывающия, ихже сродники от преступной воли людей, во злобе сущих, смерть прияша, увечия и страдания претерпеша, и даровати им силу и крепость, взирая на Крест Христов, сия вся приключившияся претерпети, роптание же и отчаяние далече от сих отгнати, Господу помолимся.

О еже помиловати неизреченную милостию Своею обидою и ненавистию ожесточенных, зло деющих, и даровати им покаяние и исправление зде, на путях земнаго жительства своего, и в будущем веце  спасение, Господу помолимся.

О избавитися нам…..

Тропарь гл. 6  (Тропарь о ненавидящих и обидящих нас)

О распенших Тя моливыйся , любодушне Господе. И рабом Твоим о вразех молитися повелевый, ненавидящих и обидящих нас прости. И от всякого зла и лукавства к братолюбному и добродетельному настави жительству, смиренно мольбу Тебе приносим, да в согласном единомыслии славим Тя, Единаго Человеколюбца.

Слава:

Со благоразумным разбойником вопием Ти, достойное по грехам нашим приемлем, о обижающих и творящих нам напасть молимся, не постави им греха сего, но милостивно покаяния двери отвези всем, без числа имея велию милость.

И Ныне: …Богородичен:  «Милосердия двери отверзи нам….»

Прокимен: Блажен человек, егоже аще накажеши Господи, и от закона Твоего научиши его (Пс.93 ст 12).

Стих:  По множеству болезней моих в сердце моем , утешения Твоя возвеселиша душу мою (Пс 93, ст.19)

Апостол к Колосяном:  зач. 258, гл 3 стихи 12- 16:  «Братие, облецытеся убо якоже избраннии Божии, святи и возлюбленни, во утробы щедрот, благость, смиреномудрие, кротость и долготерпение:  Приемлюще друг друга и прощающе себе, аще кто на кого имать поречение: якоже и  Христос простил есть вам, тако и вы. Над всеми же сими стяжите любовь, яже есть соуз совершенства. И мир Божий да водворяется в сердцах ваших, в оньже и звани бысте  во едином теле: и благодарни бывайте.  Слово Христово да вселяется в вас богатно, во всякой премудрости: учаще и вразумляюще себе самех во псалмех, и пениих, и песнех духовных, во благодати поюще в сердцах ваших  Господеви.

Евангелие от Матфея:  зач 76 от полу  18 гл. 21 стих рече…» и до зач. 77 гл.18 стих 35

Во время оно преступль Петр ко Иисусу рече: Господи, колькраты аще согрешит в мя брат мой, и отпущу ли ему до седмь крат? Глагола ему Иисус: не глаголю тебе: до седмь крат, но до седмьдесят крат седмерицею.  Сего ради уподобися Царствие небесное человеку царю, иже восхоте стязатися о словеси с рабы своими.  Наченшу же ему стязатися, приведоша ему единаго должника тмою талант:  Не имущу же ему воздати, повеле и господь его продати, и жену его, и чада, и вся, елика имеяше, и отдати. Пад убо раб той, кланяшеся ему, глаголя: господи, потерпи на мне, и вся ти воздам.  Милосердовав же господь раба того, прости его и долг отпусти ему. Изшед же раб той, обрете единаго от клеврет своих, иже (бе) должен ему стомъ пенязь: и емь его давляше, глаголя: отдаждь ми, имже (ми) еси должен. Пад убо клеврет его на нозе его, моляше его, глаголя: потерпи на мне, и вся воздам ти:  Он же не хотяше, но вед всади его в темницу, дондеже воздаст должное.  Видевше же клеврети его бывшая, сжалиша (си) зело и пришедше сказаша господину своему вся бывшая. Тогда призвав его господин его глагола ему:  рабе лукавый, весь долг он отпустих тебе, понеже умолил мя еси: Не подобаше ли и тебе помиловати клеврета твоего, якоже и аз тя помиловах?  И прогневався господь его, предаде его мучителем, дондеже воздаст весь долг свой. Тако и Отец Мой небесный сотворит вам, аще не отпустите кийждо брату своему от сердец ваших прегрешения их.

Кондак глас 5 (о ненавидящих и обидящих нас).

Якоже первомученник Твой Стефан о убивающих  его моляше Тя Господи, и мы припадающе молим: ненавидящих и обидящих нас прости, во еже не единому от них нас ради погибнути, но всем спастися благодатию Твоею, Боже всещедрый.

Сугубая ектения:

Ко Врачу Небесному  припадаем усердно молим:  исцели язвы душ и недуги телес рабов Твоих (имярек),  страждущих и увеченных от преступной воли людей злом прельщенных и тако  деющих, укрепи всесильною десницею Твоею в немощи прибыващих, и  во еже возмощи им  упованием на Христа и Спасителя препобеждати вся козни и коварствия невидимых врагов спасения нашего, рцем вси , Господи, услыши и помилуй.

Всесильным Промыслом  Твоим  вся ко благу направляя, Господи, посети  рабов Твоих  скорбящих и в печалех пребывающих,  ихже сродники от преступной воли людей, зло деющих, смерть , увечия, раны и страдания претерпеша,  даждь силы от Твоея крепости, да взирающи на Крестные страдания и Смерть яже  за ны претерпе, возмощи без роптания крест свой  понести и злобу древнего человеконенавистника диавола посрамити, рцем вси, Господи, услыши и помилуй.

Давый учеником своим молитву во еже призывати Отца Небесного и прощение нашим гресем просити, аще отпущаем прегрешения должником нашим, сотвори: да духом ненависти и мщения не затворятся сердца наша, но да прощением  разрешится  всякое дручение  сердечное и молитвою да отразится всякое неприязнное чувстие к ближним от дейстия супротивного составляемое, рцем вси, Господи, услыши и помилуй.

Услыши ны, Боже….

Молитва

Благодарим Тя, Владыко Человеколюбче, Царя веков, и Подателя благих, разрушившаго вражды средостения , и мир подавшаго роду человеческому, даровавшаго и ныне мир рабом Твоим : вкорени в них  страх Твой и друг ко другу любовь утверди. Да всепрощением  покрыются греси наша и врата Небесного Царствия да отверзутся. Твое бо есть еже миловати и спасати ны, Боже наш, и Твое есть Царствие, и сила, и слава Отца, и Сына и Святаго Духа, ныне и присно и во веки веков. Аминь.

 

*     *     *

Проповедь

Возлюбленные о Господе отцы, братия и сестры! Когда мы совершаем богослужение в местах лишения свободы, мы обычно молимся о том, чтобы облегчить условия существования здесь и побыстрей вернуться домой. Однако круг вопросов, которые связаны с нашей теперешней жизнью гораздо шире. Поэтому сейчас мы посвящаем молитве целую неделю. В первый день мы молились о заключенных, вчера о правомерном исполнении ПРАВОсудия.

Сегодняшний день посвящен жертвам преступлений, умножению заботы о них. Если подходить прагматически в любом случае каждый человек, который находится в местах лишениях свободы на основании искового заявления, в котором указывалось о нарушении прав каких-то людей. Виновны мы, или невиновны, но от того, как ведут себя жертвы и их представители во время следствия, и как поведут они себя в дни суда, очень зависит наша дальнейшая судьба. Мы заинтересованы если не в полном примирении, то хотя бы в ослаблении вражды. Кроме того, в том случае, когда мы действительно виноваты, основным судьей для каждого из нас является наша совесть. Земной суд может быть прав или неправ, но голос совести внутри каждого из нас неподкупен. Жертвами наших действий, кроме того, уже являются наши родные, наши матери, жены, дети, которые сейчас страдают в разлуке с нами. О них мы будем еще отдельно молиться завтра, но и сегодня не грех о них вспомнить. А послезавтра будет молитва о нашем возвращении на свободу. Мы стремимся к новой жизни по совести, по правде Божией, что зависит от нашего покаяния и от нашего прощения Богом и людьми. О чем мы сегодня и помолимся, Аминь.

Комментарии запрещены.