Покаянный канон Генералиссимуса российских сухопутных и морских сил, генерала-фельдмаршала Священной Римской империи, Великого маршала войск пьемонтских, кавалера всех российских орденов своего времени Александра Васильевича Суворова

Суворов 1

«Хотите ли меня знать? Я вам себя раскрою – меня хвалили цари, любили солдаты, друзья мне удивлялись, ненавистники меня поносили, при дворе надо мною смеялись. Я бывал при дворе, но не придворным, а Эзопом, Лафонтеном: шутками и звериным языком говорил правду, подобно шуту Балакиреву, который был при Петре Великом и благодетельствовал России, кривлялся я и корчился. Я пел петухом, пробуждал сонливых, угомонял буйных врагов отечества. Если бы я был Цезарь, то старался бы иметь всю благородную гордость его души, но всегда чуждался бы его пороков!»

Александр Суворов

 

 

 

КАНОН СПАСИТЕЛЮ И ГОСПОДУ НАШЕМУ ИИСУСУ ХРИСТУ,

составленный графом Александром Васильевичем Суворовым-Рымникским

Песнь 1

Ирмос: Шествующий Израиль сквозь морскую пучину, некоснувшийся водам своими стопами, воспел хвалу Избавителю своему: аз же, яко брение, Создателю моему дерзаю глаголати органом души сицевое славословие: Аллилуйя.

Припев: Помилуй мя, Боже, помилуй мя!

Отверзаю уста моя к пению славы и милосердия Tвoeгo, Господи, испытываю сердце и душу мою, и вем, яко ни едино слово довольно к пению чудес Твоих- Но Ты, яко Человеколюбец, не возгнушайся моих словес и услыши мя вопиюща:

Помилуй мя, Боже, помилуй мя!

Прогневляя Тебя, Всевышняго, ежечасно, кто не ужаснется Праведного Суда Tвoeгo, и кто не осудит сам себя на казнь вечную? Но по Неизмеримой Пучине Милосердия Твоего прибегаю к чистому покаянию, единому средству, в уповании Твоея, Господи, милости.

Слава:

От утробы матери моея тайною святаго крещения омывая прародительский грех, обещался Тебе, Bлaдыкo, ходить по стопам Заповедей Твоих, но совлекшись с истиннаго пути, поработах греху и осквернив одежду спасения моего, не смею взирати на небо, но Ты, яко милосерд, услыши мя!

И ныне:

К Teбe, Мати Господа моего, обращаю молитву мою, яко к Ходатаице у Творца мoeгo, принеси ее ко Господу, да будет она яко жертва чиста пред Страшным Его Престолом.

Песнь 2

Ирмос: Вонми Небо и возглаголю и воспою Христа, от Девы Плотию Пришедшаго (дважды).

Помилуй мя, Боже, помилуй мя!

Кто не изречет Твоего Человеколюбия, Христе, когда Ты для единаго избавления человека не только не возгнушался еси девического чрева, но и не пощадил Самого Себя в Вольной Страсти? Удивляюся снисхождению Твоему, Владыко, и плачуся о неблагодарности моей.

Помилуй мя, Боже, помилуй мя!

Чем Тебе воздам, Всесильный Господи, за толикое ко мне Милосердие и чем сделаюсь достойным распятия Твоего, Христе? Прах Твоего создания к Тебе вопиет. Вем, яко едиными добродетельными соединяюсь с тобой, но наг есмь сего украшения, не Милости, но Суду Твоему повинен.

Слава:

Умножишася беззакония моя, яко песок при крае моря, но не отступих от Тебя, Спасителя моего, согрешаю, оскорбляя Твое Величество, но обращаюсь к покаянию. Виждь, Господи, колико слабо человечество: не по делам его суди, но по Неизреченной милости Твоей!

И ныне:

К Сыну Твоему, Мати Дево Пречистая, дерзаю простирати мольбу мою и, ведая недостоинство мое, к Тебе прибегаю, Владычице, да Ты Материнскими Твоими Молитвами соделаешь меня достойна Его милости.

Песнь 3

Ирмос: Утверди, Господи, на камени заповедей Твоих зыблющееся сердце мое, яко Един Свят еси и Препрославлен (дважды).

Помилуй мя, Боже, помилуй мя!

Проснися, душе моя, от сердечнаго Твоего ожесточения, се уже при дверях Жених, где твой светильник? Угас! Беги возжещи его! Но дверь между тем затворяется, и ты лишаешься брачныя вечери.

Помилуй мя, Боже, помилуй мя!

Виждь, Господи, смирение мое, виждь сокрушение сердца моего, у Тебе Единаго очищение, у Тебе Единаго избавление есть. Помилуй недостойное Твое создание и не допусти до пагубы душу мою.

Слава:

Пролей мне, Господи, источник слез многих, да омыю скверну души моея, да убелюся яко снег, и да приуготовлю храм Тебе в тленном сердце моем. Ты Един Силен воздвигнути мя из праха достойным Царствия Твоего.

И ныне:

Надежда ненадежных и Утешение сетующих Ты еси, Чистая Дево, соделай в храме души моея Чертог Сыну Твоему ходатайством Материнския Твоея молитвы.

Песнь 4

Ирмос: Одождивый иногда манну и источивый из камене воду людем Своим, Препрославленный Боже, подаждь и мне Спасе, благодать Твою, утоляя оскудение и жажду греховныя души (дважды).

Помилуй мя, Боже, помилуй мя!

Приклони, Господи, ухо Твое к молитве моей, от сокрушения сердца моего к Тебе воссылаемой, приими слезы моя пролитыя за вину грехов моих, се Тебе приносятся, Спасителю, вместо мира многоценнаго, излитаго грешницею на пречистыя нозе Твои. Едино слово Твое было довольно к очищению грехов ея: рцы же и души моей: спасение твое есмь Аз!

Помилуй мя, Боже, помилуй мя!

Пришедша спасти грешника, а не праведника призвати к покаянию, воззри, Господи, на преклоненную выю мою, на сокрушенное сердце мое, и что не достает к восполнению за грехи моя, Ты Сам, Создатель мой, Сердцеведец, восполни и открой мне мысленныя мои очи, да увем и воздам Тебе до последняго.

Слава:

Се стоит пред Тобою, Владыко, прах создания Твоего, се сострадает душа его, Ты eси ея Избавитель. Аз согреших пред Тобою яко человек, но не воздех руки к иному богу, яко Ты еси Един Свят и Праведен.

И ныне:

Ходатаице всех верных, Владычице Дево Мати Божия, Чистейшая всех тварей небесных и земных, воззри на грешника ищущаго спасения, настави душу мою на путь в Царствие Твоего Сына и Господа нашего!

Песнь 5

Ирмос: утреннюю к Тебе, Боже Спасе мой, от нощи греховной, просвети душу мою Светом Невечерним, Светом Твоего Божества, и настави меня на повеления Твоя, яко всесилен (дважды).

Помилуй мя, Боже, помилуй мя!

Не отвержи мене, Господи, от Лица Твоего, не отъими от мене Духа Твоего Святаго пред Ангелы Твоими. Вем, дела мои мене изобличают и отошлют во тму кромешную, но за веру твердую мою к Тебе помилуй мя: прибегая, Господи, ожидаю Твоего Милocepдия.

Помилуй мя, Боже, помилуй мя!

Не устрашает меня пламень муки вечныя, не ужасает меня червь оный неусыпающий и скрежет зубов, но трепещет дух мой и мучится совесть моя от лишения благости Твоея, Господи: кто не воздыхает из грешников, видя святых Твоих, сидящих одесную Славы Твоея?

Слава:

Не вниди, Господи, в Суд с рабом Твоим, не оправдающимся пред Тобою: чем душа моя оправдится, когда в книге Твоей и несоделанное еще ею уже написано есть, и когда не оправдится пред Тобою всяк живый?

И ныне:

Заступнице христиан Непостыдная, Пречистая Богородице, Ты Едина умилостивиши Сына Твоего от предлежащаго грешнику воздаяния.

Песнь 6

Ирмос: Видиши, душе, пред тобою своего Избавителя, искупившаго Тебе Своею Кровию, видиши раны Его — се Агнец Божий Вземляяй грехи мира. Ты предстоиши пред Ним яко неблагодарная, ты дерзаеши отверзать уста своя: прослези и в перси биющи возглаголи: от тли, Боже, мя возведи (дважды).

Помилуй мя, Боже, помилуй мя!

Страшуся, Господи, призвати Тебе в храм души моея, но ведая Твое снисхождение над грешниками, с коими Ты не возгнушался свечеряти в дому Симона прокаженнаго, отверзая душу и сердце мое, прошу якоже оный евангельский муж: единаго слова Твоего довольно будет к моему избавлению, и хотя несмь достоин, но Ты Един властен освятить и очистить меня, да под кров души моея внидеши.

Слава:

Скажи ми, Господи, кончину мою, открой .мне путь, коим отселе из вечности пойду, покажи место, идеже будет душа моя — вем аще по делом моим, то вне Царствия Твоего! Но стоит ли гнева Твоего бренное сие создание? Покажи ему место, яко Человеколюбец, хотя при крае Царствия Твоего!

И ныне:

Волнующаяся душа .моя и утопающая в бездне беззаконий своих ищет помощи, но не обретает, подаждь ей, Пречистая Дева, руку Свою и моли Его же носила еси Спасителя моего и не допусти мя погибнути во веки!

Песнь 7

Ирмос: Пребывшие в Истинной вере отроки не послужиша бездушному идолу, обретоша избавление свое в горящей пещи прохладною росою и возопиша песнь Давшему им победу: отце Боже, Благословен еси (дважды).

Помилуй мя, Боже, помилуй мя!

Тебе, Господи, Единому согреших, Тебе Единому и каюся, яко да оправдишися в словесех Твоих и победиши внегда судити Ти! Страшно впасти в руки Бога Живаго, но нет отчаяния в милосердии Его, Сам велит апостолу Своему прощати вину седмьдесят раз седмерицею, какоже от Самого Истиннаго Бога не ожидать милосердия? Верую слову: «идеже умножися грех, тамо преизбыточествует Благодать Божия».

Помилуй мя, Боже, помилуй мя!

Не презирая милосердие и человеколюбие Твое, Христе, согреших, но по немощи человеческаго естества: разум, память и воля ослабевают там, идеже житейския страсти владеют человеком. Веси, Господи, какия преткновения поставлены ногам моим, и в силах ли ополчиться рука моя, аще не Ты будешь моим Путеводителем и уклонишь меня грешнаго от пути лукаваго.

Слава:

Запрети, Господи, сопротив гонящих мя: страсти и демоны прельщают душу мою со всех сторон колеблющуюся. Не вем, где подклонить главу мою, и где обрящу покой души моей, будь моим Избавителем.

И ныне:

Ослабшей души моей и уязвленному сердцу моему подаждь исцеление, Дево Чистая, простри за меня материнския руце Свои к Богу и буди мне Ходатаица, можеши бо елика хощеши.

Песнь 8

Ирмос: Его же Воинства Небесная славят и трепещут Херувими и Серафими, и Егоже не видит око человеческое, вострепещи, душе моя и воскликни: пойте, благословите и превозносите во вся веки (дважды).

Помилуй мя, Боже, помилуй мя!

Превержен есмь к Тебе, Спасе мой, от сосцу матери моея. Возлюбих Тя, Крепосте моя, яко Избавителя моего, но не вем откуда преступаю заповеди Твоя. Ты, Создатель мой Един, помилуй мя, да прославлю Твое Божество.

Помилуй мя, Боже, помилуй мя!

Се пяди положил еси дни моя и весь состав мой яко ничтоже есть пред Тобою, Господи, в сем мире подвержена есть скорби и болезни жизнь моя, а в будущем не вем, что обрящу по делом моим.

Слава:

Верую, Господи, что уготовано от Тебя воздаяние праведному и грешному, но от перваго пути далече вовлекохся, а последнему всегда предшествую яко человек: хощу взойти на истинный путь, но житейския попечения оный заграждают. Кий суд будет мне зачатому во гресех, и кто пощадит душу мою, аще не Ты, Спаситель мой?

И ныне:

Богородице Владычице, Мати Чистая, Избавльшая всех грешников Рождением Своим, от бед защити ны.

Песнь 9

Ирмос: Странная Тайна в Тебе, Дево, скрыся, по Рождестве бо пребыла еси Дева, сие есть чудо в человеческом роде, на Тебе Единой, яко Избранной Богом, сия благодать исполнися: тем Тя вси, яко Честнейшую Херувим, непрестанно величаем (дважды).

Помилуй мя, Боже, помилуй мя!

Услыши, Господи, молитву мою, и вопль мой к Тебе да приидет, не отврати Лица Твоего от мене, веси волю мою и немощь мою. Тебе Единому открыто сердце мое, виждь сокрушение мое, се дело рук Твоих к Тебе вопиет: хощу да спасеши мя, не забуди мене недостойнаго и воспомяни во Царствии Своем!

Помилуй мя, Боже, помилуй мя!

Се жертва чистая сердца моего, юже приношу Тебе, Господи, на алтарь души моея: се все то сокровище, имже Тебе обещаяся и должен есмь; кроме сего не имею чем Тебе воздать, Спасителю моему, ибо вся моя Твоя суть. Приими сию молитву, Господи, да исправится она яко кадило благовонное пред Тобою.

Слава:

Воздевая к Тебе, Богу моему, руки мои поклоняюся Тебе сокрушенным сердцем и чистою совестию Создателю моему. Верую и исповедую, яко Ты еси Искупитель мой, и несомненно ожидаю от Тебе спасения моего. Вручаю Тебе душу мою и тело, причти меня угодником Твоим. Сего единаго у Тебе прошу и молю, да обрящу.

И ныне:

Се на умоление предлагаю Тебе, Господи, Матерь Твою Пречистую и всех от века Тебе угодивших, молитва их у Тебе много может, приими ходатайство их за меня недостойнаго; не вем уже, что более Тебе изрещи: Твой есмь аз, спаси мя! Аминь.

Московские Суворовцы

 

 

Комментарии запрещены.