См также:
О Неделе молитвы
Вы можете
Обсудить тему
нашем форуме
Вход — через одну из Ваших соцсетей
СЕДЬМОЙ ДЕНЬ
О тюремных священнослужителях и о всех содействующих осуществлению миссии тюремного служения Церкви
(молитва о тюремных священнослужителях, несущих пастырское служение в учреждениях УИС, штатных сотрудниках религиозных организаций, занимающихся тюремным служением, сотрудников реабилитационных центров в сфере тюремного служения, о волонтерах, жертвователях и всех содействующих осуществлению тюремного служения Русской Православной Церкви)
Скачать: Методические рекомендации по НЕДЕЛЕ МОЛИТВЫ: Седьмой день – Публикация в файле .doc
Тропарь,гл.5
Подвигом добрым подвизатися/ рабов Твоих в теменицах служащих укрепи/, во еже плод духовный в душах своих произвести/ и к покаянию и спасению во узах сидящих направити//, да вси единым сердцем и усты Троицу Святую во веки прославляем.
Слава и ныне; кондак, гл.5:
Промыслом свыше являемым/, делателей нивы Твоея на пажити тюремныя изведи/, евангельския семена сеяти/ и души страждущия и греховными ранами уязвленныя/ елеем благодати и обязанием молитв церковных врачевати/, и к Царствию Христову// усердно наставляти сподоби.
На сугубой ектеньи:
Еще молимся о помощи и заступлении всем верным в темнице труждающимся и заключенным служащим,и духом пламенети и Господеви работати всем нам непреткновенно сподоби, во еже не отречену пребыти Имени Твоему Святому на всех, от тьмы неведения и злых навыков обращающихся к свету познания Твоего, рцем вси, Господи, услыши и помилуй.
О еже делателем на ниве Господней благопоспешство подати и евангельскую мудростию и теплотою любви Христовой к покаянию и испровлению жития всех во узах пребывающих подвигнути, молим Тя, Спасителя нашего, услыши и милостивно помилуй.
О еже благотворителей и жертвователей и всех поспешествующих делу сему – тюремному служению — милостию и щедротами своими исполнити и всегда всем верным победу на супротивныя даровати , рцем вси , Господи услыши и помилуй.
Молитва о тюремных священнослужителях и о всех содействующих осуществлению миссии тюремного служения Церкви
Господу помолимся.
Господи помилуй.
Господи Иисусе Христе Боже наш, пришедый призвати грешныя к покаянию, проповедати плененным отпущение и лето Господне благоприятное, услыши рабов Твоих тюремных пастырей, церковных учителей и наставников и всех православных христиан узникам служащих, во еже в терпении и духовном рассуждении семена веры Евангельския сеяти и к покаянию и исправлению жития кающихся в заключеннии наставляти. Да навыком добродетели предобучение в темнице прошедше, не во зло обратят к свободе от уз своих разрешение. Боже Великий и Всемилостивый, воззри на пажити сердец человеческих, в темнице томящихся, от ветра злоучения, страстей и похотей колеблемых, даруй им обращение к Тебе и на камени веры жительство их незыблимо сотвори. Нас же, Тебе молящися, в делех христианской любви, благотоврения и общения укрепи, да к пользе своей и ближних неленностно подвизатися возможем. Благодетелей и жертвователей и всех содействующих делу тюремного служения милостию Твоею ущедри и ко спасению приведи, во еже труды всех нас во славу Твою благоуспешны и совершенны Твоею благодатию явятся и Имя Твое Святое от всех и во всех прославится, ныне и присно и во веки веков. Аминь.